Atenas

Atenas

Atenas (en grèc modèrne Αθήνα = Athina, en grèc ancian Ἀθῆναι = Athênai) es la capitala de Grècia. Se tròba au centre de la region d'Atica. Es lo nuclèu d'una aglomeracion importanta que compren tanben lo pòrt dau Pirèu. Lo gentilici es atenenc -a.

Ten una populacion de 664.046 abitans (2011) e una superfície de 38,964 km². L'aira metropolitana d'Atenas, qu'inclutz la region d'Atica levat qualquas illas, es de 3,7 milions de personas, aperaquí un terç de la populacion totala del país.

Es lo centre de la vida economica, culturala e politica grega, mas Atenas es tanben importanta per èsser estat una poderosa ciutat-estat e un important centre de sapiéncia de la Grècia antica.

Lo centre de la vila se tròba a l'entorn del puèg de l'Acropòli, e de la Plaça Sindagma (o plaça de la Constitucion), ont se tròba l'ancian Palai Reial, qu' assosta lo Parlament grèc e d'autres edificis publics del sègle XIX. La majoritat de las zonas ancianas de la vila se concentran a l'entorn d'aquel centre.

Durant l'epòca de la Grècia antica, Atenas tenguèt una granda importància dins lo desvolopament de la democracia. Foguèt tanben un centre cultural ont visquèron artists, escrivans e filosòfs de l'Antiquitat. Aquestas contribucions d'Atenas a la pensada de son epòca aguèt una granda influéncia dins lo desvolopament de Grècia, de Roma de la cultura occidentala. Es una de les ciutats ont se trobèron fòrças restas arqueologicas, en mai de las construccions d'aquesta epòca, se conservan tenben de monuments romans e bizantins, a costat de construccions modernas e contemporanèas.

Categories

Apondre un comentari

Esta pregunta es para comprobar si usted es un visitante humano y prevenir envíos de spam automatizado.