Rota 66 dels EUA

Rota 66 dels EUA

La Rota 66 dels EUA, mai popularament la Rota 66, (en anglés oficialament U.S. 66, U.S. Route 66, o U.S Highway 66, tanben coneguda coma "Route 66" (Rota 66), "The Mother Road" (La rota maire) o la "Will Rogers Highway" (L'autorota de Will Rogers) es una anciana autorota americana qu'entre 1926 e 1985 religava Chicago en Illinois a Santa Monica, vila costièra del comtat de Los Angeles, sus una distància de 3 940 km. La rota 66 traversa tres fusèls oraris e 8 Estats (d'èst en oèst : Illinois, Missorí, Kansas, Oklahoma, Tèxas, Nòu Mexic, Arizòna e Califòrnia). Son punt central se trapa dins la pichona vila d'Adrian, en Tèxas. Foguèt la primièra rota transcontinentala embetumada en America. La rota 66 foguèt oficialament desclassada en 1985. Se ten pas pus d'existéncia officiala, consèrva un caractèr mitic e es benlèu la rota americana mai coneguda. Dempuèi lo començament dels ans 1990, de movements se son creats per assegurar sa preservacion, e las iniciativas per i desvolopar lo torisme son nombrosas. La rota es tornarmai balizada en mai d'un endreit coma Historic Route 66.

Thematic

Apondre un comentari

Esta pregunta es para comprobar si usted es un visitante humano y prevenir envíos de spam automatizado.